私隱、退款同使用條款
最後更新：2026 年 8 月 10 日
Ladder Lessons 由 Shari Chung 一個人營運，基地喺英國。 呢一版寫嘅係呢個網站實際做緊嘅嘢，唔係一份範本。 有任何唔清楚，直接 email 我。
1. 我收咩資料
你唔畀，我就冇
你可以行晒成個網站、玩晒 4 個免費遊戲、玩 Ladder Phonics 頭兩組， 完全唔使畀任何個人資料。冇強制登記、冇強制登入。
你主動畀嘅
| 資料 | 幾時收 | 用嚟做咩 | 法律依據（UK GDPR） |
|---|---|---|---|
| 電郵地址 | 你自己填表解鎖第 3 組 | 寄解鎖連結、之後寄新遊戲同教學貼士 | 同意（consent） |
| 姓名、電郵、付款國家 | 你買訂閱 | 開通帳戶、處理退款、記錄交易 | 履行合約 + 法定會計義務 |
我唔會收小朋友嘅任何資料。遊戲唔會問名、唔會問年齡、唔會問學校。 買嘢嗰個一定係成年人。
自動產生嘅
- 伺服器記錄：Cloudflare 會記低 IP、時間、你開咗邊版， 用嚟防攻擊同睇流量。我睇唔到個別訪客身分。
- 你部機自己存嘅：學習進度（識咗邊個字、複習清單）、
你揀嘅語言同字級，全部用
localStorage存喺你部機入面。 呢啲資料從來冇送去任何伺服器，我睇唔到。 清咗瀏覽器資料就會冇。
2. 邊個會接觸到你嘅資料
| 服務商 | 做咩 | 喺邊 |
|---|---|---|
| Cloudflare | 放呢個網站、防攻擊 | 美國（有標準合約條款） |
| MailerLite | 存電郵名單、寄信 | 歐盟／美國 |
| Google Fonts | 載入字型 | 美國 |
fonts.googleapis.com 都完全唔影響使用 ——
個網站會用返你部機嘅系統字型，內容一樣睇得晒。我唔會賣你嘅資料，亦唔會租、唔會同廣告商交換。
3. 存幾耐
- 電郵名單：直到你 unsubscribe。每封信底都有 unsubscribe 掣， 一撳即刻生效，唔使問我攞批准。
- 交易紀錄：英國稅務規定要保存 6 年。呢部分我刪唔到。
- 伺服器記錄：Cloudflare 一般保留幾日就自動刪。
4. 你嘅權利
UK GDPR 之下你可以要求：睇返我手上有你咩資料、改正、刪除、 限制使用、攞返一份可攜嘅副本、或者反對我用你嘅資料。
Email 我就得，一個月內回覆。唔使畀理由，亦唔收費。
如果你覺得我處理得唔妥，可以向英國 Information Commissioner's Office 投訴： ico.org.uk。
5. 退款
- 年費計劃：14 日內全額退款，唔使解釋。email 我就得。
- 月費計劃：隨時取消，用到當期完結為止。已經扣咗嘅嗰個月唔會退。
- 退款會退返去你原本嗰張卡，一般 5 至 10 個工作天到。
6. 你買到嘅係咩
你買嘅係一段時間嘅使用權，唔係擁有權。 訂閱期內你可以喺瀏覽器開所有已解鎖嘅遊戲。
家長版
- 限你自己屋企用，屋企幾多個小朋友都得。
- 唔可以喺收費課堂、補習社、學校用。
老師版（有商業授權）
- 可以喺你自己收費嘅課堂用，包括網課同面授。
- 授權跟一個老師，唔係跟一間機構。 同事要用就要有自己嘅訂閱。
兩個版本都唔可以
- 轉售、再分發、上載到其他網站或者平台。
- 將檔案抄出嚟自己 host。
- 拆走品牌標記，當成自己嘅教材。
所有遊戲、內容、課程編排嘅版權屬 Shari Chung。
7. 唔保證咩
呢啲係練習工具，唔係考試保證。我唔會保證任何成績、分數或者進度速度 —— 學得幾快睇好多嘢，包括你同小朋友一齊花幾多時間。
我盡量令個網站一直開得到，但唔保證零中斷。
8. 更改
呢一版有更新，我會改埋上面個日期。如果係重大改動（例如開始收新類型嘅資料）， 我會用電郵通知名單上嘅人。
9. 搵我
Email：hello@ladderlessons.com
Instagram：@ladderlessons
營運者：Shari Chung，個體經營，英國
資料保障相關嘅查詢，一律用 email，唔好用 Instagram 私訊 —— 我要書面紀錄先跟得到一個月嘅期限。
← 返首頁